حلمك علي قدك ولا شايفه اكبر من طموحك ؟؟

ملحوظه : هذا المقال اعجبني فا نقلته اليكم بحق الملكيه لصاحب الموضوع الاصلي """""""""""""""""""""""""""""""""""""""""""""""""""""""""""""""""""

احلم ..بس من غير ماتنام !!
.
الموضوع طويل بس صدقنى مفيد .
.
... ( على أد لحافك مد رجليك! )

( اللي يبص لفوق يتعب !)

(احلم على قدك !)

دايما نسمع الأمثال دي في حياتنا .. لكن حد مننا فكر فيها قبل كده ؟؟

هل كل حاجه بنسمعها تبقى صح ؟؟ هل كل حاجه اتعودنا على سماعها , لازم نصدقها ؟

طيب .. عايزين نتكلم في الموضوع ده شوية و ندردش مع بعض...



استراتيجية تحقيق الأهداف

عشان تحقق هدفك لازم يكون ليك حلم.. لازم الحلم ده بيكون هو الوقود اللي بيحركك و بيديك الدوافع انك ماتيأسش..



ايه مواصفات الحلم ده ؟

القاعدة المهمة هنا هي :

ماتحطش سقف لأحلامك !! احلم براحتك... خليك طموح.. خليك متطلع.. لو حلمك صغير هاتفضل صغير.. لو حلمك كبير و مؤمن بيه ..يبقى لازم هاتحققه و تكون كبير...

كان فيه شاب معوق اسمه خالد حسان ..فقد ساقه اليسرى في حادث سيارة في العاشرة من عمره... الشاب ده كان حلمه إنه يعدي المانش..!!!

تخيل ؟؟ شايف الحلم ده ؟؟

سباحين عالميين حاولوا يعملوها عشان عبور المانش مش سهل.. التيارات البحرية و درجة الحرارة و المسافة المرهقة اللي كانت عقبة أمام أي سباح محترف... لكن خالد كان مؤمن بحلمه.. كان عارف إنه ممكن يعملها .. أكيد سمع ناس بتقول له : انت بتحلم.. أكيد ناس قالوا له : أكيد مش هاتنجح.. أكيد فيه ناس حاولوا يقنعوه بسخافة حلمه و إنه استحالة يقدر يحققه بسبب إعاقته...لأن مفيش معوق قدر يعدي المانش على مدى التاريخ ....

أقول لكم حاجة؟ خالد حسان هو أول معوق في العالم استطاع أن يعبر المانش سنة 1982 و حقق حلمه و حلم مصر اللي بنفخر بيه حتى الآن... إيه رأيك ؟



- أحكي لكم قصة تانية ؟ كان فيه ولد في مدرسة دسوق الإعدادية إسمه أحمد حسن.. كان مؤمن بحلم.. هو إنه يكون عالم كبير و يحقق اكتشافات علمية تسجل عالميا باسمه !!

شايف الحلم ده كبير ازاي ؟ الولد ده فضل مؤمن بحلمه و مايئسش من الظروف ....

استطاع (أحمد حسن زويل ) أن يحصل على جائزة نوبل في الفيزياء و يكون واحد من أعظم العلماء في التاريخ...

توماس إديسون كان بيحلم انه يخترع حاجه تنور بالكهرباء من غير وقود.. و عمل 999 تجربة فاشلة لحد ما الناس سخروا منه و من حلمه .. دلوقتي اللمبة في كل بيت..

بيل جيتس كان حلمه ان الكمبيوتر يكون في كل بيت.. الناس سخروا منه و من حلمه .. دلوقتي بقى فيه حاجه اسمها الكمبيوتر الشخصي زي اللي باكتب لكم عليه الموضوع ده .. شكرا على حلمك يا بيل جيتس !!

- هي إيه الحكاية ؟؟ عايز تقول إيه ؟

الحكاية يا سيدي كالتالي :



الحكاية إن الباحثين درسوا سلوك الناجحين في جميع المجالات .. اكتشفوا إن كل واحد فيهم كان له حلم إيجابي كبير و كان مؤمن بيه جدا لدرجة إنه مالتفتش لكلام الناس إللي حاولوا يحبطوه...

الحلم ده لازم يكون إيجابي و هدفه نبيل.. رسالة بيحملها الشخص ده و بيحاول يحققها...

( لو استطاع أي شخص أن يحقق شيئا ما.. ففي إمكانك أن تحققه!)... كلمة لريتشارد باندلر.

يبقى إياك تحط سقف لحلمك .. إياك تيأس .. خلي إيمانك بحلمك الإيجابي هو القوة اللي بتخليك تتخطى أي عقبة..

خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...

( كل الناس لديهم من الخبرات التي تؤهلهم لتحقيق تغيير إيجابي في حياتهم )... كلمة لريتشارد باندلر.

الأمثال اللي قلناها في أول العامود إياك تعمل بيها .. لو كانت تنفع زمان يبقى أكيد ماتنفعش في العصر اللي احنا فيه ده .. كل شيء ممكن طالما عندك هدف نبيل و حلم عايز تحققه..

خلي الأمثال للي فوق كالتالي :

( على أد لحافك مد رجليك! )

حوله إلى :

( جيب لحاف على أد رجليك !!)

و المثل الخاطئ اللي بيقول :

( اللي يبص لفوق يتعب !)

حوله إلى :

( إللي يبص لفوق , هايوصل فوق !!)

و الجملة اللي بتقول :

(احلم على قدك !)

خليها :

( ماتحطش سقف لأحلامك !!)



الحلم الكبير هو اللي بيصنع نجاحك.. احلم براحتك و تخطى كل الظروف و لازم تؤمن انك هاتحقق حلمك ده.. لو حلم إيجابي يبقى أكيد أكيد هاتعرف تحققه .. مفيهاش كلام...

بتحلم بإيه دلوقتي ؟؟؟

إبدأ حالا على تحقيقه !

اصعب حاجه

اصعب حاجه ممكن توجعك قوي 

لما يبقي ليك صاحب ومهم جدا في حياتك بس بقالك كتير مبتشفوش 

ولا بتلقيه 

وجيت في يوم تقول ياااااااااااااااااه دا انا صحبي دا وحشني 

انا لازم اسئل عليه واشوفه 

وتيجي تشوف رقمه علي موبيلك وتتصل بيه 

تلقي الرقم غلط 

تقول معلش يمكن غير رقمه ونسي يقولي او هيتصل بيا قريب يقولي رقمه الجديده

تقول بس انا لما اروح هلقيه علي الفيس بوك واكلمه واطمن عليه 

وتروح تدور علي الصفحه بتعته وتيجي تبعتله ماسج علشان تقوله ايه اخبارك ووحشتيني يا صحبي 

تلاقي جملة من كلمتين بسيطه خالص بتقول

Add Friends

تفتكر يبقي ايه شعورك لما تلاقي حاجه زي كدا ؟؟؟

ويبقي الامل

في المقهى ..

التقت صديقتها .. فـ منذ زمن لم ترها ! ..

تقول لها : مرّت أعوام .. ولازال جسمك على ما يرام ! ..

وهذا طفلك بيدك .. ما أجمله وما أجملك ! ..

تجيها بـ صوت خَـجِّـل : نعم .. طفلي جميل ..

تفترقان .. وفي صدرها قهر وغضب ونيران ! ..

لا تستطيع البوح بـ أنه ? ابن أختها !!! .. فـ هي لم تتزوج حتى الآن!! ? ..

ا[ فقط لو تعلم ان الاشياء ليست كما تبدو ]ا ..

?_______________________________________?

مر الفقير امام منزل ..

ليشتم منه رائحة الطعام ..

يسترق النظر .. فـ حتى لو لم تشبع معدته ! .. يكفيه من الطعام نظرته ..

فـ هو لم يأكل منذ أيام ..

يحسد الرجل .. فـ هو يلبس النظارات لتقي عينيه من الشمس! ..

نظارات شمسيه .. وطاولة شهيّه ..

أكمل طريقه دون ان يلتفت الى الوراء ..

دون أن يدرك ? أن ما تحت النظارة الشمسية أعين عمياء ? ..

أكمل طريقة ولم يعلم ..

ا[أن الاشياء ليست كما تبدو ]ا ..

?_______________________________________?

يضحك بينهم بالساعات ..

يجلي همومهم والأحزان ..

يحسدونه .. فـ هو لم يذق الآهات .. ولم يعرف الهّم قلبه ! ..

فـ يرجع كل شخص منهم إلى بيته .. إلى أطفاله وزوجته ..

وهو ?يعود الي وحدته .. محاطا بـ الأدوية .. يداعب عزلته ?..

فـ هو تعدى وقته المقدر بـ الحياة .. ولا يعلم أي ساعة هي منيّته ..

فقط لو علموا ا[ أن الأشياء ليست كما تبدو ]ا ..

?_______________________________________?

فـ مهما بلغَت جَمال الصُور .. ودقتها .. أو حتى بشاعتها ..

فقط اقلبها ..

لـ تدرك أن الأشياء ليست كما تبدو ..

ويبقي الأمل ?